Национальный академический театр имени Янки Купалы

Аляксей Дудараў.

Містычная легенда аб любові ў адной дзеі

Працягласць – 1 гадзіна 40 хвілін
Прэм’ера – 29 снежня 2000 года

Рэжысёр – Валерый Раеўскі
Мастак – Барыс Гелаван
Кампазітар – Віктар Капыцько

Вось ужо чатыры стагоддзі ў замку старажытнага Нясвіжа з’яўляецца прывід маладой жанчыны. Згодна з легендай, гэта блукае пакутлівая душа недарэчна загубленай гаспадыні ўладанняў – Барбары Радзівіл…

Драматычная паэма Аляксея Дударава напісана на аснове аднаго з самых рамантычных паданняў пра трагічнае каханне беларускай магнаткі з роду Радзівіл і польскага караля Жыгімонта. Відовішчны і пачуццёвы спектакль сцвярджае, што галоўнае ў жыцці – захаваць здольнасць да Вялікіх Пачуццяў і Вялікіх Учынкаў.

На міжнародным фестывалі “Белая Вежа” (Брэст, 2001) пастаноўка Нацыянальнага акадэмічнага тэатра імя Янкі Купалы атрымала дыплом “За лепшы спектакль беларускай драматургіі”, а Святлана Зелянкоўская была ўзнагароджана дыпломам “За лепшы дэбют”.

Па незалежных ад тэатра прычынах спектакль "Чорная панна Нясвіжа", які мусіў адбыцца 28 мая на сцэне Цэнтральнага дома афіцэраў, адмяняецца.

Дадатковая інфармацыя:
Квіткі можна вяртаць
1. 28 мая ў Цэнтральным доме афіцэраў з 18.00 да 20.00;
2. у буднія дні па адрасе пр-т Машэрава, 25, пакой 601 з 12.00 да 18.00;
3. штодзень да 21 мая з 10.00 да 20.00 у касе тэатра па адрасе вул. Энгельса, 12. Рэжым працы касы пасля 21 мая просім удакладняць па тэлефоне (017) 3274237.